السلام علیکم

قریب ایک سال پہلے میں نےاپنے شوہر کے فون آنے پر کچھ ایسا کیا یا کہاجس سے وہ غصہ میں آگئے اور انہوں نے یہ الفاظ کہے کہ خدا کی قسم اب تم نے یہ کیا تو وہ لفظ میرے منھ سے نکل جائیں گے پھر انہوں نے غصہ میں چند جملے کہے مثلا  کہا بھی تھا کہ اس طرح مت کرنا تم نے پھر ویسا ہی کیا پھر انہوں نے کہا کہ اب تم نے کیا تو وہ تین لفظ ،چند لمحوں بعد انہوں نے یہ بھی کہا کہ تم کچھ ایسا سن لوگی پھر تمہیں ساری زندگی رونا پڑے گا ،ساری عمر رونا پڑے گا ۔ برائے کرم اس سلسلہ میں رہنمائی فرما دیجئے۔ کیا یہ صرف ایک دھمکی تھی یا واقعتا یہ طلاق معلق ہے یا ایسی طلاق ہے جس میں کوئی کنڈیشن یا شرط لگادی گئی ہو طلاق کے واقع ہونے کیلئے اور اگر یہ کنڈیشنل طلاق ہے تو اس میں کتنی طلاقیں واقع ہوئیں کیا ایک یا ایک سے زائد ، میں ان سے ان کی نیت کے بارے میں پوچھنا چاہا لیکن ان کو یہ واقعہ یاد ہی نہیں ہے برائے مہربانی اس سلسلہ میں میری رہنمائی فرمادیجئے ۔اور ان کو میں کتنا مجبور کروں اس چیز پے کہ اس واقعہ کو یاد کریں اپنے ذہن پر زور ڈال کر یا پھر اس سلسلہ میں خاموشی اختیار کی جائے۔