السلام علیکم

موجودہ حالات میں امریکہ میں رہنے والوں کے لئے ہیلتھ انشورنس لینا جائز ہے؟ جب کہ مندرجہ ذیل  میں ان حالات کی تفصیلات بیان ہیں:

۱- یہ جاننا مشکل ہے کہ اوباما کئیر (افورڈ ایبل کئیر ایکٹ) کو موجودہ گورنمنٹ ختم کر دے گی یا چلتے رہنے دے گی، ۲۰۱۷ تک یہ ہیلتھ انشورنس نہ لینے پر جرمانہ ادا کرنا پڑتا تھا، جو مستقبل میں تبدیل ہو سکتا ہے۔

۲- اگر کوئی شخص کاروبار کرتا ہے اور اپنے کاروبار میں آمدن کو بڑھا کر دکھاتا ہے لیکن اپنی ذاتی آمدن کو گھٹا کر دکھاتا ہے تاکہ اسے میڈیکیڈ نامی فائدہ گورنمنٹ کی طرف سے حاصل ہو سکے، صحیح ہے؟ اس صورت میں گورنمنٹ انشورنس کا کچھ حصہ ادا کرتی ہے جب کہ باقی کا پریمیم بندے کو خود ادا کرنا ہوتا ہے۔کیا یہ انشورنس لینا جائز ہوگا؟

۳- بجائے حکومت سے مندرجہ بالا میں بیان کردہ انشورنس خریدنے کے، کسی پرائیوٹ کمپنی سے محض بنیادی میڈیکل ضروریات کو پورا کرنے کے لئے انشورنس خریدنا جائز ہوگا، اس بات سے قطع نظر کہ قانون اس سلسلے میں کیا کہتا ہے؟

مسلمانوں کے لئے ان حالات میں بہتر راستہ کیا ہے؟ چونکہ حالات یہ ہیں کہ اس ملک میں رہتے ہوئے ہیلتھ انشورنس لینا بنیادی ضروریات میں سے ہے، لیکن فی نفسہ انشورنس کا خردینا وغیرہ حرام ہوتا ہے؟

جزاک اللہ خیرا۔